İstifadə qaydaları

1.Hesab

• Hesab telefon nömrəsi ilə açılır. Məlumatlarınızı düzgün yazın.
• Hesabınızı başqasına verməyin — hesabdakı hərəkətlərə görə Siz cavabdehsiniz.

2.Rezervasiya

• Rezervasiya klub oyunu ilə edilir.
• Onlayn ödənişdə hər oyunçu öz payını 10 dəqiqə ərzində ödəyir. Bütün paylar vaxtında ödənilməsə, rezervasiya baş tutmur və ödənilən məbləğ geri qaytarılır.
• Nağd ödənişdə pulu meydançada ödəyirsiniz, ödənişi meydança sahibi təsdiqləyir.

3.Ləğv

• Oyundan 24 saat əvvələ qədər ləğv tam geri ödənişlidir.
• Oyuna 24 saatdan az qalmış ləğvdə ödəniş geri qaytarılmır.
• Nağd ödənişli təsdiqlənmiş oyunu oyuna 2 saatdan az qalanda tətbiqdən ləğv etmək olmur — ləğv üçün meydança ilə əlaqə saxlayın.
• Oyuna gəlməsəniz və meydança «Gəlmədi» qeyd etsə, oyun tarixindən 30 gün yalnız onlayn ödənişlə oyun təklif edə bilərsiniz.
• Eyni anda ən çox bir gələcək nağd oyununuz ola bilər — növbətini o oyun oynanandan və ya ləğv olunandan sonra təklif edə bilərsiniz.
• Meydança sahibi rezervasiyanı ləğv edərsə, ödəniş tam geri qaytarılır.

Ətraflı: Ödəniş və geri qaytarma qaydaları.

4.Oyunun hesabı

Oyundan sonra hesabı hər iki klubun lideri yazır. Hesablar fərqli olarsa, oyun “mübahisəli” qalır.

5.İstifadəçinin məsuliyyəti

• Rezervasiya etdiyiniz vaxtda meydançaya gəlin və meydançanın qaydalarına əməl edin.
• Meydançanın əmlakına ziyan vurmayın. Vurulan ziyana görə Siz cavabdehsiniz.
• Digər oyunçulara və meydança işçilərinə hörmətlə yanaşın.
• Saxta rezervasiya etməyin və başqasının adından istifadə etməyin.
• Rəylərdə və klub adlarında təhqir, nifrət, reklam, şəxsi məlumat və yalan məlumat yazmayın. Belə rəyə tətbiqdə şikayət etmək olar; MTAP qaydanı pozan məzmunu gizlədir.

6.Meydança sahibinin məsuliyyəti

• Meydançanı təsdiqlənmiş vaxtda oyuna hazır vəziyyətdə təqdim etmək.
• Qiymətlər və iş saatları barədə düzgün məlumat vermək.
• Təsdiqlənmiş rezervasiyalara əməl etmək.

7.MTAP-ın rolu

MTAP oyunçuları və meydançaları birləşdirən platformadır. Meydançanın vəziyyətinə və oyun zamanı baş verənlərə meydança sahibi və oyunçular cavabdehdir.

8.Hesabın bağlanması

Aşağıdakı hallarda hesabı xəbərdarlıqla və ya xəbərdarlıqsız müvəqqəti və ya tam bağlaya bilərik:

• saxta məlumat və ya başqasının adından istifadə
• fırıldaqçılıq və ödənişdən yayınma
• digər istifadəçiləri təhqir və ya təhdid
• tətbiqin işinə qəsdən mane olmaq

Hesabınızı istənilən vaxt tətbiqdə Profil bölməsindən özünüz silə bilərsiniz.

9.Dəyişikliklər və əlaqə

Qaydaları yeniləyə bilərik. Yenilənmə tarixi səhifənin yuxarısında göstərilir. Suallar üçün: destek@mtap.az.